被愛

表妹上月返港渡假, 係香港結識左一個男仔 (之前已認識, 但並不相熟), 個男仔對佢好好, 凡事放佢係第一位, 表妹覺得好開心, 原因佢男朋友對佢好差, 呼呼喝喝, 返加拿大無耐, 就正式宣佈同男友分手.

表妹有一個咁快既決定, 主要因為有好男仔出現, 另一個原因, 係因為我男朋友, 佢話最初睇到我同男友既合照, 覺得我男友好老土, 好木訥, 但返港後真正見面, 就覺得我男友好好, 好遷就我, 覺得我好幸福.

佢覺得係愛情裡面做"被愛"既人係幸福.

呢個係事實.