神鵰俠侶

電視正上演《神鵰俠侶》金庸先生名著之一，金庸先生筆下既小龍女，不食人間煙火清麗脫俗，係一個男人見到心跳，女人見到妒忌既人，但事實上有幾多女仔係"小龍女"。

我好喜歡呢個故事，最令人窩心係楊過對小龍女既真心，16年用情專一，去等一個自己所愛既人，試問呢個世界邊有男人話自己可以做到。

然後男人總希望自己女友/老婆猶如小龍女一樣，不食人間煙火清麗脫俗，可惜有呢個希望之前，諗諗自己係唔係"楊過"先啦~~~~~

有時會諗假如小龍女並唔係咁靚，而係好似金三珣/增肥後既胡杏兒咁樣，楊過仲會唔會咁痴心去等呢個人???

呢個世界男人都係睇外表，多於內在美~~~~~