學位

噚日係大學公佈收生情況既大日子, 細佬亦知道城大收左佢, 今年好特別, 細佬妹都同時入到大學, 升讀學位課程.

我自己連預科都未讀過, 中五之後讀一年秘書課程就出來工作; 無咩學歷既我已經工作左9年, 呢9年裡面所見所聞, 從來想像唔到.

第一份工作, 會計師樓文員, 工作時間三年半, 呢個係我既學習期, 學左好多實用既知識, 對日後既工作相當有幫助, 當時傻下傻下咁樣, 一過就三年半~~~~

第二份工作, 工程公司會計, 工作時間三年, 呢個係我真正接觸全盤會計既機會, 再加上後來公司轉型, 所接觸所認識都跟過往唔同, 感覺好新鮮, 一過又三年~~~~

現在工作, 貿易公司會計, 工作時間兩年半, 呢個係我既休息期, 因為公司既工作挺輕鬆, 不過就多做左文件上既工作, 即係L/C, TR個類, 都有野學架~~~~

現時仲未知係唔係等到三年又轉一下? 思路仍然未清晰~~~~